Edas, kamari uing ulin ka Panaruban Subang. Lah eta mah pemandanganna so beautifull.
Sok geura bayangkeun kainyah,,
Sajajalan nu tembong ngan ukur kebon enteh,, hawa tiis nyecep, mawa motor dilaunkeun. naa aya suasana ku sepi jempling kieu teu cara di kota. Nu kadenge ngan ukur sora manuk kueuk kueuk... cenah dipirig ku sora manuk rada leutik (teuing naon ngaranna) wik..wik.. cenah. Meureun maksudna mah barudak geura nyingkah aya nu garelo... hahaha piraku.
Sanggeus lila, uing nepi ka hiji jalan leutik, ieu mah asli leutikna teh teu bohong ngan satapak hayam. Motor ge ngan bisa napak banna wungkul (nya heueuh atuh). Di sisi, di gigir ngan aya leuweung anu bangunna mah geus lilla teu katincak jelema. Geueuman.
Tapi ti jauhna hawar-hawar kadenge sora cai.
"Tah, geus deukeut meureun"
Pek teh heueuh, teu lila tembong curug badag dihandapna cai susukan meni ngagenclang.
Apal teu naon nu kabayang?
Edass teu kuat hayang nyeuseuh.. (ya engga lah) nu pasti mah hayang ngojay.
Kusabab pas nepi teh geus sore, nya barudak teh gancang nyieun tenda.
"Hayu urang jalan-jalan.." ceuk c widi, awalna barudak nyangka eta ideu bagus.
Tenda ditinggalkeun, hayam (jang dibakar engke peuting) digantungkeun dina tatangkalan deukeut tenda.
Dan kami pun berjalan-jalan dengan riang gembira, teu apal naon nu baris tumiba.
Tapi bener euy, otak asa di brain wash. Ningali pemandangan hejooo kabeh iwal huntu c utuy nu koneng teh, hehe.
Balik ka tenda geus rada poek, wanci sareupna lah..
Barudak ngarasa lapar, euweuh nu henteu. nu diteang mimiti nyaeta bakakak hayam nu ngagantung dengan pasrah dina tatangkalan.
Koceak teh si utuy ngoceak.
Barudak lalumpat muru tukangeun tenda,,,
Breh teh anu katingali mangrupa kajadian paling menyedihkan, mengiris hati, menodai iman..
Si utuy keur pabedol-bedol bakakak hayam jeung anjing leuweung, huhuhuhu
Ahirna urang baraeud dina jero tenda, beuteung lapar,
hayam beak ku anjing.
Keur kitu tiba-tiba si Kang Imang boga ideu.
NYA ENGGEUS WE URANG NGABAKAKAK ANJING! pan jero-jerona mah hayam kenehh!!
GUBRAGG....
Tidak ada komentar:
Posting Komentar